Swarg Ya Narak

Heena bahut saaf man ki ladki the jisse sab uski saadgi ke liye jante the. Usne kbhi kisi ka dil nahi dukhaya, fir chahe who uske Maa-Baap ho, dost ya fir koi anjaan. Usne apni zeevan me jo bhi faisle liye who humesha dusro ko dhyaan rakhte hue liye, shayad yhi who vajah the ke woh sabki chaheti to the par uske kuch khwabo ne dum tod diya jinki aahat uske zehan me kbhi kbhi hoti to the par gharwalo ki khushi ke liye unhe who nazarandaaz kardeti. Yuhi khushi khushi who zindgi basar kar rahi the k ek sham jab woh sabzi lene bjaar gyi to raste me uska accident ho gya aur uski maut hogyi.

Jaise hi uski najare khuli to usko vishwas nahi hua k ek hi pal ne uske apno ki zindgi barbad kardi, ab uski zindgi the hi nahi. Uske saamne jo manzar tha usne usko dehla diya tha. Uske liye is baat ka yakeen karna naamumkeen hi tha ke uski maut hogyi hai. Uske saamne ek bethak the jisme saamne Yamraj bethe the or aas paas Yumdut or ek shaks jisne ek ajeeb si kitaab kholi hui the. Han ab uske karmo ka hisaab hona tha. Wo kuch samjh pati use pehle hi Yumdoot ne bola k ab hum apke karamo ka hisaab krenge. Hum kuch swaal puchenge aapne bas unke sidhe sidhe jwaab dene hai. Heena ki samjh se bahar tha sab fir bhi wo raazi hogyi.

Yamdoot, “Tumne apne faisle humesha auro ko dhyaan me rakhte hue liye hai, jo kmaal ki baat hai par aaj jo bhi swaal honge unke jwaab sirf tumhare karmo se hai. Hum 3 swaal sabse pehle puchte hai jinka chayan sirf manushaya ka hona chahiye fir hum us adhaar pe kuch aur swaal puchenge to hume btaao tumhe humne art and craft ke hunar se nwaza to tumne khi or career bnane hai faisla kyu liya? Aur to aur baad me apne career ko aur soch ko udaan kyu nahi di?”

Heena, “Mere Mata Pita ji ko lgta tha ke jo hunar mujhme hai usme aage jaker scope nahi hai to wo mere se jada samjhdar hai to maine unke faisle ko twaazo di.”

Yamdoot, “Par tumhari zindgi ka ye faisla galat tha, tumhe sabse anokha isliye bnaya tha ke tum apne jeevan ko aur logo se alag jee sako. Agar us waqt tumne apna faisla liya hota to tumhe apne zeevan se kai  gile na hote. Khaer, agla swaal tum pyaar kisi aur se karti rahi aur shaadi kisi aur se ki?”

Heena, “Pyaar karna kafi nahi hota. Pyaar to Pita ji se bhi tha to unke kehne par maine ye faisla liya. Aaj bhi duniya agar ek ladki pyaar kare to use galat najar se dekhti hai to mere Pita ji ko lagta tha ke log kya kahenge.”

Yamdoot, “Us shakas se tumhare purane janam jude the, unke sath tum apne purane janamo ke hisaab pura kar pati, rahi jo tumhe lagta hai duniya ka, jab tumne apne pyaar ko choda tab bhi logo ne tumhe galat kha, aur tum apne purane bandhno se mukat nahi ho payi. Tumhe aksar sanket bhi diye jinhe tumne samjh kar bhi najarandaaz Kar diya, ab ye lekh tumhare agle janam tak jayenge. Moh aisi cheez hai kisi ke sath bhi rakhlo, tum apne karmo ko piche nahi chod sakte.”

“kya tum apni zindi se santushat the jo humesha tumne bhi apne bacho ko duniya ki baton se bandhna chaaha?”

Heena is swaal ko samjh nahi payi kyunki wo janti the ke usne auro ki parwah ke liye kabhi khud faisle lene sikhe hi nahi, pehle parivaar, fir sasural aur grahsti me itna ulajh gyi ke usne khud ke liye waqt nahi nikala aur uski bebasi ek aansoo ki boond ban uski palko se gir padi.

Yamraaj ne khaa ke har manushaya ke karam 50-50 partishat apne or dusro se jude hote hai, dusro ke liye to tumhe 50 se 30% hi milenge aur tumhare 50 se 5% kyunki log kabhi tumse puri tarah santushat ho nahi skte par hum khud ki jindgi ko kaise jee rahe hai wo humare hath me hota hai, jisme se tumne kbhi jiya nahi. Ab tumhe ek aur jeevan lena padega jisme bhi tum is moh bhari duniya ke maya jaal me fas jaogi, tumhe yaad nahi rahega aur fir is jeevan mrityu ki chakar me rahogi.

Duniya to ye bhi kehti hai ache karam kro to swarg aur bure karmo se narak milta hai, aur swarg ya narak sirf duniya ke maya jaal me hi milta hai. Agar tum apne jeevan se santushat ho to swarg hai nahi to tumhare paas jo marji ho tumhari jindgi narak se kam nahi. Tbi ek bhikari ke much pe bhi tez hoga aur ameer insaan paise ki daud me akela hoga. Sabse jyada jo jruri hai wo hai khud se khud ka rishta, agar tum khush ho to sabko khushi bantoge nahi to kbhi bhi kisi ko khush nahi kar skte. Duniyadari, moh ke chakar me log aksar khud se pyaar krna chod dete hai jo karmo me sabse sarvashreshath hai. Ab tum kuch der khud ka chintan karo tab tak hum tumhare agle janam ki tyaari krte hai.

 Aur use abhaas hua ke ye sab wo sapne me dekh rahi the.

Kmaal tha uske man ki girohe ek hi sapne ne khol di jiske bad se unse apne aap ko bhi pyaar karna shuru kia, jaise hi usme ye badlaav gharwalo ne dekha pehle to who achambhit hue par fir ghar me roz utsaav jaisa mahol rehne lgaa kyunki ab Heena jo bhi karti man se karti, aur who sabke man ko chu jati. Use samjh agya the ke is moh se bhari duniya me pehla rishta khud se hota hai fir kisi aur se. Koi bhi apse puri tarh khush nahi hoga to khud se khushi ka rishta nibha lijiye kyunki tumhare karmo ka hisaab sirf tumne dena hai, tumhare rishto ne bhi nahi. Use khud se pyaar karne ka mauka mil gya tha jo shayad har kisi ko nahi mil pata. Kuch hi log is ek zindgi me who sab kar pate hai jo chahte hai par apni chahat puri kiye bina tum dusro ki jarurato ko pura nahi kar paoge kyunki ek nahi to dusre din rishto ka pyaar tumhe bojh lagne lagega. Is jeevan me kam se kam ek bar jarur apne liye jiyo.