Beej

“Agar sach me itni dikkat hai to tum log apne Maa Baap ko varidh asharam chod aao. Usme dikkat hi kya hai. Samjhdari isi me hai, roz tum dono jab naukari karne nikalte ho to vapsi par tumhe yhi fikar hoti hai ke babu ji ne fir kuch aisa kiya hoga ke jisse tumhara nuksan alag hoga aur ghar jate ldaayi alag.” Ek rishtedar ye kehte hue Aakash ke ghar se to chale gya par Aakash ke zehan me ek beej chod gya jisko ankurit hone me jyada waqat na lga aur ek din usne tang akar adhe din ki chutti lekar apne Pita Ji ko varidh asharam chod aya.

Jaise hi sham hui to Aakash ki patni ghar vapis ayi aur chaye ka pani rakh kar wo Babu Ji ko jaise hi dhundhne lagi to Aakash ne use bta diya ke Babu Ji ko pure maan ke sath main Varidh ashram chod aya hu. Aakash ki patni ke liye ye yakeen karna bahut hi mushkil tha aur is bat ko lekar dono me ek do din aan-ban bhi rahi ke unhone use puche bina yeh faisla le kaise liya.

Do din ke bad ek dum se Aakash ki patni ki tabiyat achanak se khraab hogyi. Jab Aakash ne use zidd ki ke unhe doctor ke pass jana chahiye, to usne Aakash ko btaya ke woh dono bahut jalad Maa Baap banne wale hai, yeh sun kar Aakash fulle na smaya, uski ankhe khushi se chamak uthi. Par agle hi pal uski patni ne Aakash ko kha ke maine doctor se abortion ki baat karli hai, taki unhe baad me koi dikkat na aye.  Yeh sun Aakash ko naa ki sirf gussa aya sath hi sath usne jaise hi woh apna hath uthane laga, sharam se uski aankhe jhuk gyi. Aur usne apne Pita ko ghar vapis lane ka faisla lekar us hi din apne Pita ji ko ghar laker unse maafi maangi.

Uske Pita ji umar ke us pdhaav par the, jha unhe nahi pta chalta tha ke woh kya kar rahe hai, unhe 2 din varidh aashram kyu choda gya, unki samajhne ki taqat itni nahi the, par Aakash ko yeh baat samajh agyi the ke jis insaan ne sari umar meri sewa, fir meri zindgi sanwarne me lgaa di, us insaan ko woh mehaz isliye apne se door karna chahte tha kyunki ek anjaan insaan ne use ye mashwara diya aur uske Pita ji ko bojh samjhne par majboor kar diya. Usnke baad se wo apne Pita ji ke sath na hi jyada waqt guzarne lga sath hi sath apni Patni ke liye uske man me maan aur badh gya.

Rishte bahut najook hote hai, unko bojh ka ek beej tbaah bhi kar skata hai aur pyaar ka ek beej ankurit  kar apke jeevan ko gulistan bhi bna skta hai. Yeh aap par nirbhar hai ke aap kis beej ko ankurit hone dete hai.