Atam Gilani

Aaj bhi duniya me bahut si batien hai jinko hum riwaayat ka Naam dedete hai to yhi sikhaya jata hai ke jo sadiyo se chalta aa rha hai wohi sahi hai. Aane wali pushto ko bhi hum in riwaayato ka gulam bna dete hai, bin yeah samjhe ke waqt ke saath badlana kitna Jruri hai. Han aisa hi kuch hua kuch arse pehle Sapna ke sath.

Sapna, mehaz ek naam hi nahi balki ek aisi ladki the jiski bebaki waqt ke daman me khi kho gyi the, waqt usse kehta tha ke apne antarman ki sun nahi to puri zindagi khud se naa-khush rahegi to duniya ne sikhaya ke acha tha aatte me namak jitna jhooth bolna. Han jhooth to unhone hi sikhaya jinhone sach bolne ki kabhi sikhsha di the. Shayad whi woh vajah the ke usne duniya ki suni, apne antarman ki nahi.

Badte waqt ke sath rishto pe rishte aa rahe the, aur kahi usse kuch bimari ne bhi gher liya that jisse naa ki uske shareer ka bojh badh rha tha, sath hi uske man ka bojh bhi. Han usse thyroid hua tha, ek aisi bimari jo aaye din bahut se logo me milti hai. Par aaj bhi jha duniya badal rahi hai par sirf apne ghar tak, bakiyo ke liye asool woh hai. Is dar se jab bhi rishte ate to Sapna ko yhi samjhaya jata ke bhul kar bhi apni bimari ka kisi ko nahi btana. To uske zehan me ek hi baat khatakti the agar aaj main rishte ki shuruat jhooth se karungi to rishte ko nibhana bahut mushkil hoga.

Bite waqt uska rishta Sahil se hogya. Shadi me jo waqt tha usme kai bar uska dil kehta k sach sach bol par gharwale kehte rishta tut jayega. Shadi k bad kuch maheene bitenge to Sahil ko bhane se btadenge ke thyroid shadi bad hua hai. Han, duniya jeet rahi the man haar rha tha. Waqt na kabhi kisi k liye ruka hai to Sapna ne bhi apne man pe ek chote se jhooth ke bojh ke sath nayi zindagi shuru ki. Sapna ne jaise hi shadi ke rasm-o-riwaz ke bad Sahil  ke sath bat krni chahi to usko apne Maa-Baap ki bat yaad aayi ke kuch waqt ek vishwas banne de fir tareekae se btana k koi bimari hai. Ab to jo mehaz ek khyal tha wo uske antarman ki gilaani bnne lgi. Usse lgne lga Sahil par Vishwas bnane k liye wo vishwas-ghat kar rahi hai.

Kuch Palo me agar apnepan ka ehsaas badhne lga to duje pal woh ander se khatam hone lagi. Jab din ki shuruat hoti ya raat ka andhera gehrata, uski man-o-dasha ka andaza koi shaqs nahi laga pata aur wohi apne lab siye kuch baton ko ander hi smete jati. Woh samjh nahi paa rahi the sahi kya hai jo uske bhitar hai ya Jo usse sikhaya gya tha. Uske liye muh ko silna din-b-din mushkil hota jaa rha tha. Kyunki uska zameer usse kuch kehne ki koshish kar rha tha. Yuhi waqt ke Daman se 2 saal fisal gye.

Waqt ne apne aap  me kuch or pal jod diye, jab unhone apna parivar bdhane ka faisla kia to reports me sab sach bahar agya, to ek din Sapna ne Sahil ko sach btadiya ke uske sath usne dhokha Kia hai, Sahil se sach chupake. Sahil aur Sahil ke Maa-Baap ko jab yeh bat pta chali sabne Sapna ki aur se apna rookh mod liya kyunki unhe lga ke naa jane aur kya kuch chupaya ho. Chahe doctor ne kaha ke kuch parhez or dwaayi se parivar badh skta hai par Sahil ne khi na kh apnai man liya that k Sapna ka pyaar or vishwas dono hi fareb hai. Aur wo aise jhoothe shaks se woh jada der nata jode nai rakh skta.

Mana Sapna Ko ek choti si hi bimari the par Sahil ko usse khi jyada khatarnak or naa theek hone wali bimari the, aur wo the shaq ki bimari jiska is duniya me koi ilaaj nahi hai. Aur Sapna ki Saas Sasur ko bhi ek bhayankar bimari the, woh the chote dil or soch ki bimari jiske chalte unhone apne bache ki soch ko kbhi viksit nahi hone diya or Sahil ne yeh smjhane ki jrurat nahi samjhi k Sapna ke bhitar jo dar 2 saal se panap raha tha wo jayaz tha, shayad yhi woh wajah the jiske chalte Sapna roz khud se jadojahad kar rahi the, lad rahi the, antarman me khi mar rahi the.

Yun nahi tha ke Sapna ya uske Mata Pita ki galti the, ek sach ko chupana jisko Sahil or uske gharwalo ne jhuth ka Naam dediya tha. Waqt ki paidan pe ranjisho ke paer jis kadar hi pade Sapna ko atamgilani hone lagi ke kash usne sach sahi samay btaya hota to aaj ye sab na hota. Agar rishto me sachayi hoti to Sahil mere pyaar Ko dhoka na smjhta, mere dar ko jhooth na samjhta aur aaj hum sath hote, rishto me pyaar aur vishwas hota. Sapna ke Maa Baap bhi atamgilani se bhar gaye ke sach chupane se na sirf unki beti ki zindgi me kahlish ayi sath hi sath unhe ye ehsaas bhi hua k agar waqt se pehle wo sach bta dete to Sapna ke man par bojh na hota aur chahe thodi der se hi milta, par use ek aisa jivansathi milta jisse wo bejhijhak apne vichar, apne jazbe baant sakti. Jeevan ki kathinaiyo wo wo puran vishwas ke saath basar karte. Par ab shayad kafi der ho chuki the. Is atamgilani ka ab koi pashchyatap bhi nahi tha.

Yhi ek vajah hai ke riwayato ke bojh ke talle kbhi apne rishto me jhuth na lekar aao, jab shaq ka ghnaa andhera umadta hai to kayi zindgiyo ko andhkar me lapet leta hai. Kabhi apne kisi rishte me jhuth ko na panapne do for chahe wo kitna bhi chota ho. Un rishto ko smet k rakho jinke sath aap tmaam umar nibhana chahte ho, fir chahe uske liye aapko kitni bhi mushkat karni pade. Logo ke chehro se jada unke dil or apke liye kiye gye unke karmo ko tawajo do. Zindagi to asaan kbhi nahi hogi par rishto me sachayi hone se rishte sadaa khushnuma rahenge.