Dastak


Kuch roz pehle ki baat hai, tapti zameen or chamchmati dopahar ki garmi me jhaa main pankhe ki neeche araam farmaa rahi the, ghar ke darwaze par ek dastak hui. Amuman aise uth kar jana hum sabko thoda sa mushkil to lagta hai, fir bhi maine gali me khidki se jab jhanka to koi najar nahi aya. Mujhe lga is waqat school ke bacho ko chutti hoti hai to jarur who shararat krke bhaag gye honge.  Khaer fir se main sofe par beth kar T.V. ke channel badalne lagi. Itne me fir se kisi ne ghar ki ghanti bjaayi.

Jaise hi main bahar dekhne gayi to maine dekha k ek bujurag jo lagbhag 70 saal se jada umar ka tazurba rakhte honge, ek wheelchair par bethe the. Unke mathe ka paseena, chehre ki jhooriyan, hatho ki bejaan padi nasein aur chehre pe sakoon ne mujhe achambhit kar diya. Unke hath me kuch khilone the. Jaise hi maine unki aur dekha to unhone mere samne kuch khilone rakh diye aur kehne lage ke agar ghar me koi bacha ho to unse ek do khilone khareed lu.

Maine ek mand si muskan ke sath unse kuch khilone khreedte hue  pucha kya wo paani piyenge. To unhone ek purani si plastic ki bottle nikalte hue mujhe us bottle ko bharne ko keh diya. Unke tan ke kapde maile kuchele the jaise kai dino ke bojh se bhare huye ho, aur wo kampte hath jo wheelchair chlaate hue kampkapate honge. To maine unse khane k liye pucha to unhone kha agar ho ske to 2 fulke dedena mere pass achaar padaa hai, jo kisi ne mujhe 2 din pehle diya tha.

Gareebi me bhi, bebasi me bhi bas jis bat ne mere man pe dastak di wo unke chehre ka sakoon tha. To unko khana dene k bad maine pucha ke kya apke liye kuch khana bandh du to unhone kha ke khana itni garmi me khraab ho jayega, to behtar hai ke main rehne du. Maine pucha fir aap kaise guzara karte ho, to unhone bhut khubsurat jwaab diya,

“Bitiya! Guzara krna zindgi nahi hai, kis kadar tum guzaar rahe ho zindgi hai. Roz main kai logo se milta hu, dekhta hu, kuch log bacho ki khushi ke liye khilone khareedte hai, kuch meri bebasi dekh kar, to kuch yuhi k mera guzara ho ske. Kai salo se main wheelchair pe hu, jab mera accident hua tha tb mujhe bhut gussa aya tha bhagwaan pe, par ab lagta hai ke acha hua qk nahi to is umar me apne paero ke bhar pe main chal na pata or dekho aaj main sakoon se bethe bethe apni manjil par pahunch jata hu. Jo sabse jaruri hai guzare ke liye wo mere pass hai, wo hai main khud, agar main mehnat kiye bina bhi kmana chahu to log mujhe dayaa me bheekh de jayenge, par aisa nahi hai main mehnat karta hu kyunki main janta hu ke mujhe apni najro me nahi girna. Mere parivar walo ne bhi meri halaat ka andaza lgaa kar mujhe chod diya, us din mujhe ye samjh aya ke tum kuch bhi karlo, kitna bhi kmaalo tumhe sirf tumse rishta nibhana hai, tumhare sath sirf tumhare karam hi jayenge.”



Unke kahe kuch alfaaz mere dil par wo dastak chod gye jisne mujhe itna ehsaas dila diya ke apne karam hi apne sath jate hai, wo tej chehre pe or sakoon is baat ki gwaahi bhar rha tha ke jis waqt tum khud me utar jao or khud se sach bolna sikh jao, aur kuch itna mehtav nahi rkhta. Jate waqt ko rok nahi sakte, or naa hi ate waqt ko. Jhaa ho whi khushi mnaao, nahi to khi bhi jaao santushat nahi rahoge.

Comments

Popular posts from this blog

Kuch Bol

BE PRIDE, NOT PROUD

OOUS KI BOONDE-A POEM